ILOILO CITY – Temporaryo nga ginpasiraduhan ang talatapan sang Social Security System (SSS) sa Mapa Street, Iloilo City Proper epektibo subong nga adlaw, Oktubre 28, matapos nakarekord ang lima ka positive cases sang COVID-19.
Sa interview sang Bombo Radyo kay Amiel Genova, Acting Senior Communications Analyst sang SSS Panay Area, iya ginpahayag nga ang lima ka COVID-19 cases ang nagikan sa duha ka separado nga departamento nga amo ang Member Services kag Processing Department.
Lunsay nakaquarantine ang mga personnel, asymptomatic, kag wala na nakaatubang sa publiko umpisa sang nagligad nga semana.
Ipaidalom sa disinfection ang talatapan kag magapabilin nga sirado ‘until further notice’.
Suno kay Genonva, mahimo ihulog ang mga application sang SSS benefits sa drop box sa gwa sang talatapan.
Mahimo man nga makapadulong sa SSS Molo branch ang mga magabayad sang SSS contribution.
