ILOILO CITY– Nagapadayun ang online services sang Social Security System apisar temporaryo nga ginpauntat ang pagbaton sang kliyente bilang kabahin sang preventive measures batok sa Coronavirus Disease 2019 (COVID-19).
Sa interview sang Bombo Radyo kay Social Security System Vice President Fernando Nicolas, iya ginpahayag nga skeletal workforce lang ang nagatrabaho kag may yara sila sang ginpahamtang nga non contact drop boxes para sa loan applications, maternity application kag iban pa nga transaksyon.
Suno kay Nicolas, yara man sa ila website ang instruction kun paano magpatigayun sang online payment ang mga miyembro.
Ginpahayag ni Nicolas nga mahimo man nga lantawon sa offical facebook page sang ahensya agud makita ang mga bag-o nga pahibalo ukon mga pahanumdum.
