Magapatigayon ang St. Clement’s Church sang isa konsyerto may kaangtanan sa ginaselebrar subong nga tuig nga ika-80 nga anibersaryo sang Perpetual Novena to Our Mother of Perpetual Help sa Asya ukon ang ginatawag nga “OAK Jubilee.”
Natalanan ini sa Mayo 13, 2026.
Sa interview sang Bombo Radyo kay Father JM Malacas, iya ginpahayag nga ginalauman ang performances ni Jed Madela, VIVAT kag mga Redemptorist priests sa amo nga concerto.
Nagapang-agda gid ini sa tumuluo nga gusto magtambong sa thanksgiving mass kag pagasundan sang isa ka rain concert para sa pagpanagamuyo nga mag-ulan.
Nahibaluan nga ini nga ang debosyon nagsugod sang Mayo 13, 1946 paagi sa mga Redemptorists sa St. Clement’s Church kag nangin isa sa pinakadaku nga Catholic devotion sa Asya.
Ang kulminasyon sang OAK Jubilee pagahiwaton naman sa Hunyo 24 tubtob 27, 2026 nga may espesyal nga mga pag-ampo kag selebrasyon nga nagaangot sa feast day sang Our Mother of Perpetual Help.
Suno kay Father Malacas, ang debosyon nagapakita sang wala untat nga paghigugma kag pagbulig ni Birhen Maria sa mga nagapangayo sang paglaum, kaayuhan kag proteksyon, ilabi na sa tion sang kasakit kag kabudlayan.
