Sta. Barbara-LGU, ginahitso na ang discrepancy sa data sang ila mga kaso sa COVID-19

Ginahitso na sang local government unit sang Sta. Barbara, Iloilo ang discrepancy sa data sang ila nga mga kaso sang COVID-19.

Sa interview sang Bombo Radyo kay Mayor Rema Somo, iya ginpahayag nga ang iban nga pasyente nga nakatapos na sang quarantine period ang wala nagakadto sa Rural Health Unit (RHU) para magkuha sang ila nga clearance.

Ini ang rason suno kay Somo kun ngaa wala mareport sa Department of Health (DOH) ang 115 ka mga recoveries sang Sta. Barbara.

Pahayag sang alkalde, na-abisohan naman niya ang Barangay Health Emergency Response Teams (BHERTs) kag Barangay Health Workers (BHW) nga siguraduhon nga makakuha gid sang clearance ang mga pasyente nga nakakumpleto sang quarantine period.