Masobra 400 ka myembro sang Partido Demokratiko Pilipino–Lakas ng Bayan (PDP-Laban) ang ginalauman nga personal nga magatambong sa ila national convention sa Pampanga.
Ini ang sa tunga sang social gathering restrictions bangud man sa padayon nga pagtaas sang COVID-19 infections.
Sa exclusive interview sang Bombo Radyo kay Iloilo Governor Arthur Defensor Jr., iya ginpahayag nga bwas na inanunsyo ang slate sang partido para sa eleksyon sa masunod nga tuig.
Suno kay Defensor, via online lang ang iya pagtambong sang national convention bangud masako ini sa iya trabaho sa pagtapna sang COVID-19 sa probinsya.
Kaangot sini, ginpasigurado man ni Department of the Interior and Local Government Undersecretary Jonathan Malaya nga indi mangin “superspreader” ang ila pagtililipon bangud man sa pagdoble sang ila ginapatuman nga health protocols batok sa COVID-19.
Ang tanan nga magatambong sa convention ang kinahanglan nga fully vaccinated batok sa COVID-19 kag may negative nga swab test result 48 oras antes ang event.
