ILOILO CITY–Agaw-atensyon sa Guimaras ang ginbansagan nga “standing pantyon” ukon nagatindog nga lulubngan nga Jordan Public Cemetery.
Ang nakalubong sa nasambit nga pantyon amo si Dominador Canja, ginbun-ag sang Marso 30, 1905 kag napatay sang Agusto 31 1982.
Sa exclusive interview sang Bombo Radyo kay Amalia Ganancial, caretaker sa nasambit nga patyo, iya ginpahayag nga mismo si Canja ang nagmando sa iya mga himata nga ilubong siya nga nagatindog.
Dugang pa ni Ganancial, ini ang pinakamaayo nga pamaagi para kay Canja agud nga makakita sa gihapon sang mga matahum nga babayi nga nagalabay sa patyo bisan pa nga yara na siya sa pihak nga kinabuhi.
Nahibaluan nga si Canja ang kilala nga “chickboy” sang buhi pa.