Paborito mo man bala ang pagpaningit sang bunga ukon pagsaka gid gani sa puno sang star apple?
Gusto-gusto gid ini himuon sang mga kabataan, pero ano bala ang sarang ihatag sang star apple sa imo ikaayong lawas?
Ang star apple ang makabulig kontrol sa imo blood sugar level gani nga ideal food ini para sa mga tawo nga nagasuprer sang diabetes.
Suno pa kay Kris Gunnars, isa ka nutrition researcher sang website nga Authority Nutrition nga sa idalom na sang Healthline media, manggaranon ang star apple sa antioxidants kag makabulig proteher sa aton lawas batok sa health problems kaangay sang cancer kag iban pa nga sakit sa tagipuson.
Bangud manubo man sa fat and calories, isa man ini sa best food choices kun ikaw may ginasunod nga weight loss diet. May yara ini sang high amount sang dietary fiber gani nga indi ka madali magutom kag malikawan mo man ang pagkaon sang madamo.
Manggaranon man ini sa Vitamin C nga amo ang nagaakto nga antioxidant nga responsable para sa production sang collagen, pag-improve sang immune health, pagpasanag sang mata, kag paglikaw sa fatal diseases kaangay sang cancer kag heart disease.
