ILOILO – Nagapati ang Department of Tourism nga paboran ni Presidente Rodrigo Duterte ang ginaduso nga state of emergency para sa Boracay.
Gintalakay ang amo nga lihok sa meeting sang Department of Environment and Natural Resources (DENR), Department of Interior and Local Government (DILG) kag Department of Tourism (DOT) sa Boracay.
Sa interview sang Bombo Radyo Iloilo, ginpahayag ni Tourism Assistant Secretary Ricky Alegre nga sigurado siya nga paboran ni Presidente Duterte ang anuman nga lihok nga makapaayo sa Boracay.
Nahibaluan nga ginrekomenda sang technical working group nga ipaidalom sa state of emergency ang Boracay kag temporaryo nga ipasirado ang isla.
Kinahanglan suno kay Alegre ang long term solution sa problema sa Boracay.