May ginakpatan na nga tatlo ka resolusyon ang Provincial Disaster Risk Reduction and Management Council (PDRRMC) may kaangtanan sa epekto sang El Niño sa Probinsya sang Iloilo sa diin nagdeklarar na ang mga ini sang state of calamity.
Ang mga ini ang naghalin sa banwa sang Bingawan, Lambunao kag Janiuay.
Sa interview sang Bombo Radyo Iloilo kay Dr. Jerry Bionat, pinuno sang PDRRMC, iya ginpahayag nga sa tion nga duha pataas ka mga banwa ang madeklarar sang state of calamity, mahimo na ini nga basehan sa pagkadelarar man sang state of calamity sa bug-os nga Probinsya sang Iloilo.
Suno kay Bionat, may team na sila nga gintukod nga amo ang magapatigayon sang re-evaluation.
Magluwas sa nasambit nga mga banwa, lakip man sa mga nagpabutyag nga madeklarar sang state of calamity amo ang Maasin, Dueñas, Sta Barbara , San Dionisio, Igbaras kag Miag-ao.
Sa tion nga madeklarar na ang state of calamity, mahimo na nga magamit ang calamity fund sang isa ka banwa nga 30% sang ila budget.
