ILOILO – Gindeklara ang state of calamity sa pobinsya sang Iloilo bangud sa dengue outbreak kadungan sang session sa Sangguniang Panlalawigan.
Pinaagi sa Resolution No. 4 Series of 2019 sang Provincial Disaster Risk Reduction and Management Council nga ginbasa ni 4th District Board Member Dominggo Oso Jr. sa session, gin-aprubahan sang Sangguniang Panlalawigan ang mga masunod nga ginhingyo ni Governor Arthur Toto Defensor Jr;
Una amo ang pagdeklara sa bug-os nga probinsya sang Iloilo nga ipa-idalom sa state of calamity bangud sa Dengue outbreak.
Ika-duha amo mitigating measures para sa outbreak sang dengue nga may pondo balor P28 million apang gin-slash ini sang Sangguniang Panlalawigan kag nahimo lamang nga P26.5 million.
Ika-tatlo amo ang pag-aprub nga kuhaon ang pondo sa calamity fund sang Provincial Disaster Risk Reduction and Management Council bilang quick response fund.
Ika-apat amo ang paghatag sang otoridad sa pag-release kag disimburse sa pondo.
Samtang, nagtaas naman sang 904% ang kaso sang dengue sa probinsya sang Iloilo kag may 20 na nga patay subong nga tuig base sa rekord sang Provincial Health Office.
Ang P26.5 million nga pondo ang para sa mga kinahanglanon sang mga ospital para sa mga dengue patients amo man ang pagpamakal sang adulticides, larvicides, solutions, bulong, kits repellants kag iban pa.
