Ginpaathag sang Iloilo City Health Office nga indi pa ma-lift ang state of calamity apisar naganubo na ang kaso sang dengue sa siyudad.
Sa interview sang Bombo Radyo kay Dr. Annabelle Tang, pinuno sang amo nga opisina, iya ginpahayag nga indi pa stable ang lakat sang panahon bangud nga may mga tion nga grabe ang ulan kag may adlaw man nga grabe ang init.
Suno kay Tang, kun magbalik na sa normal ang lakat sang panahon, posible nga ma-lift na ini sa katapusan sang tuig.
Nahibaluan nga nagpain ang syudad sang PHP7. 04 million budget para sa advocacy kag response measures batok sa dengue.
Ang pondo gin-gamit man sa pagbakal sang chemicals para sa misting, motorized sprayers, dengue duo testing kits, kag medical supplies para sa hydration.
Pahayag ni Tang, sa subong indi na kinahanglan nga dugangan pa ang nasambit nga pondo.
