Pixabay
ILOILO CITY – Mahimo na nga magdeklara sang state of calamity ang Iloilo City Government bangud sa kakulang sang supply sang tubig.
Ini matapos ang nangin pagsinapol sang City Disaster Risk Reduction and Management Office (CDRRMO) kaupod si Mayor Jose Espinosa III.
Sa interview sang Bombo Radyo kay CDRRMO Operations Officer Darwin Papa, nagdangat na sa 33 ka mga barangay sa syudad ang naka-eksperyensya sang problema sa tubig.
Tuman nga naapektuhan naman amo ang bug-os nga city proper area.
Nahibaluan nga madeklarar na kuntani sang state of calamity ang syudad sang nakaligad nga semana apang nagpanugyan si Espinosa nga hulaton ang mangin resulta sang assessment sa iban nga distrito.
