JAPAN-Ginahulat na lang sang mga Hapon ang pagdula sang state of emergency sa pila ka bahin sang Japan.
Suno kay Bombo International Correspondent Josel Palma, pagadulaon na ang state of emergency sa pila ka prefectures kag sa baylo ipaidalom na lang sa special caution ang mga masunod: Ibaraki, Ishikawa, Gifu, Aichi kag Fukuoka.
Ginpahayag ni Palma nga magapadayon naman ang restrictions sa Hokkaido, Tokyo, Chiba, Saitama, Kanagawa, Kyoto, Osaka kag Hyogo.
Dako ang nangin epekto sang Coronavirus Disease 2019 (COVID-19) sa ekonomiya sang Japan bangud halos kalabanan nga kompaniya ang nagsirado.
May pila man ka kompaniya nga bukas apang limitado lang ang oras sang pagtrabaho sang mga empleyado.
