Nag-invest ang state-run Government Service Insurance System sang $300 million ukon P16.67 billion sa Global Infrastructure Partners.
Suno kay Wick Veloso, Government Service Insurance System President kag Chief Executive Officer, ang investment commitment ang mahimo magkadto sa mga infrastructure projects nga ginalakipan sang transport, energy kag digitalization.
Ginpahayag dugang sang natungdan nga tinutuyo sang partnership nga mas mapasangkad ang assets kag maka-generate sang higher returns.
Ini agud mapabaskog man ang kapasidad sini nga maghatag sang pensions sa masoba 2 million members.
Nahibaluan nga gintukod ang Global Infrastructure Partners sang 2006 kag nakabase ini sa New York City bilang isa ka global independent infrastructure fund manager nga naga-administer sang $87 billion ukon P4.886 trillion sang mga assets para sa investor base.
