ILOILO CITY–Ginsaysay sang stephfather nga nagtiro-patay sa iya manak nga si kun paano kag kun ano ang ginhalinan sang krimen.
Sa exclusive interview sang Bombo Radyo kay Jerold Guillermo, iya ginpahayag nga iya nakita nga may yara sang ka-chat nga tomboy ang iya manak nga si Alleja Faye Malificiar Aglibot.
Ini ang rason kun nga-a iya gin-agaw kag ginlapos ang cellphone sang biktima.
Dugang pa ni Guillermo, nagpalang-dulom ang iya panulukan bangud sa pagyawyaw sa iya sang biktima dugangan pa nga nagahambal man ang iya ka-live in nga magcool-off na lang sila.
Gin-ako man sang suspetsado nga gin-uyatan niya sa buhok ang dalagita samtang ginatayaan niya sang armas luthang.
Nagapakitluoy naman ang dalagita sa iya nga indi na magliwat kag indi pagtiruhon apang wala na  napunggan sang suspetsado ang kaugalingon.
Sa una niya nga pagtiro, nagahulag pa ang bata kag padayun nga nagapakitluoy apang wala na siya nakapanumdum rason nga gintiro naman niya liwat ang biktima.
Gilayon naman nga nagpalagyo si Guillermo matapos ang nahimo nga krimen.
Nagtuyo pa ang suspetsado nga maghikog pinaagi sa pagtiro sang iya kaugalingon apang wala naglupok ang iya armas.
Gintuad pa ni Guillermo nga nakadagpa siya rason nga nabilin ang armas sa suba apang ginhulat pa niya nga mag-aga kag nagpadulong sa Dumarao, Capiz.