ILOILO CITY–Gin ako sang stepfather nga nagluthang-patay sa iya stepdaughter sa Brgy. Buntalan, Maasin, Iloilo nga nag-angkon sila sang relasyon sang biktima.
Sa exclusive interview sang Bombo Radyo kay Jerold Acubera Guillermo sang Belison Antique, ginpahayag sini nga nahulog ang iya buot sa iya manak nga si Allijah Faye Malificiar Aglibot bangud mabuot ini nga bata.
Gin-ako man ni Guillermo nga may kahigayunan nga nagahulid sila sang biktima kag ginahalukan pa niya ini sa bibig.
Namutikan naman sang iloy nga si Anne Joy Malificiar nga may yara sang pagtamdanay ang suspetsado kag ang biktima.
Nagbatyag naman sang pagpangimon ang suspetsado matapos matukiban nga nakigrelasyon ang biktima sa tomboy.
Samtang, nagahilibion naman nga nagpangayo sang pasaylo ang suspetsado sa iya nga live-in partner kag gindepensa nga wala niya ginhungod ang natabo.