Indi makaupod ang NBA superstar nga si Stephen Curry sa Game 2 kag sa duha pa ka mga hampang sang Golden State Warriors kag Minnesota Timberwolves sa semifinal series sa Western Conference.
Nagaguwa sa reports nga may Grade 1 hamstring strain ang four-time NBA champion kag two-time NBA MVP.
“The Golden State Warriors are planning to play without Stephen Curry for at least the next three games of their second-round series against Minnesota, after an MRI exam on Wednesday confirmed a mild strain of the star guard’s left hamstring,” suno sa NBA.
Ini kasunod sang natabo sa Game 1 kun sa diin nagbiya ini sa second quarter bangud sa left hamstring strain kag wala na ini nakabalik.
Indi man tuman ka malala ang Grade 1 hamstring strain apang nagakinahanglan ini sang isa tubtub duha ka semana nga recovery.
Apisar wala si Curry sang Game 1, nasarangan sang Warriors nga makuha ang 1-0 series lead sang nagtakop ang hampang sa skor sa 99-88.
Antes pa man ang iya nga hamstring injury, may injured nga tudlo naman ang Warriors guard sa iya mismo nga shooting hand.
Matabo ang Game 2 sang Wolves kag Warriors, 8:30 buwas sa aga oras sa Pilipinas.
