ILOILO CITY – Wala sa gihapon sang operasyon sang Small Town Lottery sa syudad kag probinsya sang Iloilo.
Sa interview sang Bombo Radyo kay Philippine Charity Sweepstakes Office General Manager Royina Garma, iya ginpahayag nga pending sa gihapon ang Small Town Lottery operations bangud nga wala nakabayad sang utang ang Red Subay Gaming Corporation kag ang ZFIC Iloilo Gaming Corporation.
Suno kay Garma, indi magnubo sa P700 million ang utang nga dapat bayaran sang duha ka operator sa Philippine Charity Sweepstakes Office.
Ginpahayag ni Garma nga P400 million ang dapat nga bayaran sang Red Subay Gaming Corporation samtang P300 million naman sa bahin sang ZFIC Iloilo Gaming Corporation.
Kun mapirmahan na ni Presidente Rodrigo Duterte ang bag-o nga Implementing Rules and Regulations, mahimo na nga makabaton sang application ang gobyerno para sa mga bag-o nga operator.
