STL operator sa Iloilo, pilason matapos gin-ambush

ILOILO CITY – Pilason ang STL operator nga si Samuel Aguilar sang Eagle Crest Gaming Corporation, matapos gin-ambush sa Barangay Buyu-an, Tigbauan, Iloilo.
Suno sa testigo nga si alyas Inday, may yara sang traffic sa lugar tungod nga may ginakay-o nga karsada kag iya nakita nga may motorsiklo nga nagdulog.
Pahayag ni Inday, nanaog ang backrider nga may dala sang pusil, gani gilayon siya nga naghapa kag nabatian ang pag-arak sang lupok sa van, sa diin sakay si Aguilar.
Dugang pa sini, indi makit-an ang duha ka suspetsado tungod naka-bonnet kag naka-jacket ang mga ini.
Ginapahayag nga nag-angkon sang anom ka pilas sa likod si Aguilar.
Ang van nga ginsakyan ni Aguilar ang lunsay buka ang crystal sa likod nga bahin kag ang krystal sa kilid sa likod sang driver, sa diin nakapungko si Aguilar.
Ang van ginmaneho pa sang driver padulong sa Medical City.
Nabudlayan naman sa pagkuha sang impormasyon sang mga biktima ang Tigbauan Police Station.
Suno kay S/Insp. Hermogenes Eulatic, hepe sang Tigbauan Municipal Police Station, duha pa lang ka pilason nga biktima ang ila nakita kag indi pa makumpirma kun pila gid kabilog ang pilason tungod nga indi sila mahimo makasulod sa Medical City.