ILOILO CITY – Hiwaton na karon sa hapon ang Sto. Niño fluvial procession kag solemn foot procession sang Señor Sto. Niño de Cebu.
Sa interview sang Bombo Radyo kay Maria Flor Muralla, President sang Cofradia de Sto. Niño de Cebu, iya ginpahayag nga hiwaton ang Sto. Niño fluvial procession sa Muelle Loney.
Pagkatapos sini, magasunod na ang solemn foot procession.
Suno pa kay Muralla, ang solemn foot procession ang tambungan sang madamo nga mga deboto kun sa diin, mahimo nga maghulat ang publiko sa higad sang dalan.
Dugang pa niya, ang imahe sang Señor Sto. Niño ang iparada sa mga nagapanguna nga kalsada sa Iloilo City.
Pagkatapos sini, ibalik ang imahe sa San Jose Placer Parish Church.
