Nakalockdown subong nga adlaw ang makasaysayan nga Sto. Tomas de Villanueva Parish Church ukon mas kilala nga Miagao Church sa Miagao, Iloilo.
Ang nasambit nga simbahan ang ginakabig “oldest church” sa Iloilo.
Sa interview sang Bombo Radyo kay Rev. Fr. Angelo Colada, director sang Social Communications sang Archdiocese of Jaro, iya ginpahayag nga indi pa mapat-od kun tubtob san-o ang lockdown sa Miagao Church.
Suno kay Colada, nakitaan sang sintomas sang COVID-19 ang pari nga nagaserbe sa simbahan.
Ginpaidalom na ini swab test para sa COVID-19 kag ginahulat na lang ang resulta.
Kadungan sang lockdown, magapatigayon naman sang disinfection ang Rural Health Unit kag contact tracing.
