Nagbukas ang mga Philippine financial markets para sa tuig 2025 nga may mixed note nga resulta.
Nagtaas ang mga stocks, apang naghinay ang balor sang peso sa una nga adlaw sang trading sa bag-ong tuig. Ini kasunod sang pag-usisa sang mga economic data pagkatapos sang holiday season.
Ang Philippine Stock Exchange Index (PSEi) nagsaka sang 21.60 points ukon 0.33% sa 6,550.39 sa closing bell, samtang ang All Shares Index nagsaka man sang 6.59 points ukon 0.18% sa 3,755.10.
Duha ka sektor—financials kag services—ang nagpakita sang pagtaas, apang ang industrial, holding firms, property, kag mining and oil nanubo.
Kapin sa 1.114 bilyon ka shares nga nagabalor sang P3.240 billion ang nabaligya. Kon kuhaon ang extraordinary block shares, ang balor sang turnover nagapundo sa P2.802 billion. Mas madamo ang mga shares nga nabuhinan (97) ipaanggid sa mga nagsaka (94), samtang 47 ka shares ang wala nagbag-o.
