ILOILO CITY- Padayon sa pagnubo ang stocks sang frozen pork sa pungsod sa ikatatlo na nga sunod-sunod nga semana.
Suno kay Chester Warren Tan, presidente sang National Federation of Hog Farmers Inc., may yara sila sang repopulation efforts agud madugangan ang supplies sang local nga karne sang baboy.
Base sa latest data gikan sa National Meat Inspection Service, ang inventory sang frozen pork as of March 7 ang yara sa 51,121.42 metric tons (MT) gikan sa 54,464.07 ukon 6.1 percent nga pagnubo.
Apang ini nga figure ang mas mataas sang 150.4 percent gikan sa 20,419.77 MT sa pareho man nga period sang nagligad nga tuig.
Ang imported nga karne sang baboy sa accredited commercial kag in-house cold storages ang nagabug-os sang mayorya sang frozen pork stocks nga yara sa 50,145.13 MT,samtang ang locally produced pork ang yara lang sa 976.29 MT.
