ILOILO CITY- Nadulaan sang pangalibutan kag natumba ang isa ka sweeper sa Iloilo Freedom Grandstand.
Ang biktima ginkilala nga si Cirilo Capatayan, 52, residente sang South Baluarte, Molo, Iloilo City kag nagatrabaho sa idalom sang City Environment and Natural Resources Office.
Sa interview sang Bombo Radyo kay Marsyl Ferrer, sweeper nga kaupod ni Capatayan, iya ginpahayag nga antes ang insidente, naobserbahan na niya nga medyo maluya ang lawas kag hulag sang biktima.
Suno kay Ferrer, may yara man nga daan sang ginasuprir nga heart failure kag allergy si Capatayan.
Gintuad naman niya nga sang nagligad nga Biyernes lang sila nagpatublok sang first dose sang Sinovac vaccine, apang indi man nila masiling nga may kaangtanan sa bakuna ang natabo sa iya kaupod.
