NUEVA VALENCIA, GUIMARAS– Hugot nga ginapatuman ang istrikto nga pagsulundan sa Guimaras, matapos nga ginpaidalom sa General Community Quarantine.
Sa interview sang Bombo Radyo kay Nueva Valencia Vice Mayor Paul Vincent Dela Cruz, iya ginpahayag nga apisar nga ginpaidalom sa General Community Quarantine ang bug-os nga isla, hugot sa gihapon nga ginapatuman ang social distancing, kag ang pagsuksok sang face mask sa mga pampubliko nga lugar.
Ginpahayag ni Dela Cruz nga ang byahe sang mga pampubliko nga mga salakyan sa Nueva Valencia, ang magasugod 6:00 sang aga tubtob 6:00 sang gab-i.
Apisar nga wala na sang liquor ban, ginadumilian ang pag-inom sa mga pampubliko nga mga lugar.
