Natigayon na nga mapasakaan sang kaso nga homicide kag frustrated homicide ang mag-amay nga suspek sa pagpangluthang sa Barangay East Baluarte, Molo, Iloilo City.
Ang napatay amo si Julius Nacase, 41-anyos, samtang amat-amat naman nga naga-recover sa ospital ang utod sini nga si Jessie Nacase, 37-anyos.
Ang mga suspek amo sanday Larry Sumbang, 50-anyos, kag anak sini nga si Mark Lawrence Sumbang, 21-anyos.
Sa interview sang Bombo Radyo kay Police Captain Gimel Acuesta, Station Commander sang Molo Police Station, iya ginpahayag nga daan nga hiligut-anon sa magtimbang nga partido ang gintunaan sang pagpangluthang sang mag-amay sa duha ka mag-utod.
Suno kay Acuesta, naganyat ang nga magkuha sang pusil ang anak sang suspek matapos sini nga nakita nga ginapulihan sang mag-utod ang iya amay.
Gintumod man sini nga nagsinabad ang mag-utod nga biktima sa namatyan antes nagluntad ang insidente.
Ginbuyagyag man ni Acuesta nga ang 21-anyos nga anak sang suspek ang student-intern sa ila talatapan sa Molo Police Station.
Ginpabutyag man sini nga nakanugonan siya sa putoro sang student-intern nga suspek matapos sini nahimo ang krimen.
