USA/CANADA- Naglab-ot na sa 2.9 billion ka mga pispis ang nagkalamatay sa Estados Unidos kag Canada humalin sang 1970.
Naggwa sa bag- o nga pagtuon nga 29 % sang mga pispis ang napatay sa sulod sang kapin lima ka dekada.
Suno sa mga siyentipiko, ini nga pagkadula sang tuman ka damo nga populasyon sang mga pispis nga ginalakipan sang sparrows kag finches, ang nagapakita nga ang impact sang mga tawo sa palibot ang nagakahulugan nga indi na sini masuportahan ang wildlife systems sa subong.
Ginpahayag ni Adam Smith, study co-author sa Environment and Climate Change Canada nga ini isa ka “wake-up call” sa tanan.
Ginpahayag man sang mga researchers nga ang ang pagkadula sang mga common birds ang natabo na sadto kaangay sang extinction sang passenger pigeon.
Ang pagkadula naman sang ila habitat kag excessive hunting ang rason sang nasambit nga pagnubo sang populasyon sang kapispisan.
