ILOILO CITY- Stuffed toy na lang ang ginahakos sang iloy nga si Maribelle Mejia matapos nga ang nagapanag-iya sini nga iya anak ang isa sa mga napatay sang matabunan sang duta sa landslide sa Baybay City, Leyte.
Suno kay Maribelle, bangud sa trabaho, masami nga indi siya makapauli sa ila balay gani ginhatagan siya sang 8-anyos niya nga anak nga si Maria Carla sang stufed toy agud makaupod niya sa iya boarding house.
Pahayag ni Maribelle, ulihi man nila nga pagkitaay amo ang sang tion nga ginhatag sang bata ang stuffed toy sa diin ginsiling sang bata nga hulidon niya ini agud may kaupod siya sa iya boarding house.
Kalakip ang anak niya sa duha nga napatay sa landslide sa Brgy. Maypatag sa Baybay.
Ang isa pa nga napatay amo ang iya 16-anyos nga manghud.
Natabo ang landslide sa mismo kaadlawan sang amay ni Maribelle.
