ILOILO CITY – Nakapalagyo ang drug personality sa buy bust operation nga ginpatigayon sang City Drug Enforcement Unit (CDEU) sa McArthur,LaPaz, Iloilo City.
Ang subject sang buy bust operation ang ginkilala nga si Arnel Porto, tricycle driver sang Rizal, Lapuz Sur.
Sa interview sang Bombo Radyo kay Punong Barangay Oscar Guarin sang Aguinaldo, LaPaz, iya ginpahayag ginlagas sang mga otoridad si Porto tubtob nga makalab-ot sa iya nga barangay apang wala na siya makahibalo kun sa diin nagpadulong ang subject bangud wala siya makit-an sang mga katapo sang City Drug Enforcement Unit (CDEU).
Nabaklan sang 9 ka sachet sang suspected shabu si Porto balor P15,000.
Sang gindaho na sang poseur buyer ang kwarta, gilayon nga nagpalagyo si Porto dala ang kwarta.
Namutikan sang subject nga pulis ang iya ka transaksyon sa diin iya pa nga ginbungguan ang poseur buyer kag ginbilin naman ang iya tricycle sa Aguinaldo LaPaz.
Sa subong, padayon pa nga ginapangita sang mga pulis ang nasambit nga subject.
