Submission sang applications para sa luyag mangin Chief Justice, gin-extend tubtob Pebrero 26

Ginpalawig pa sang Judicial and Bar Council ang pagpasa sang applications para sa masunod nga chief justice sa Pebrero 26.

Suno sa screening body, dapat nga mapasa ang online kag physical documentary requirements antes ukon sa adlaw mismo sang panibag-o nga deadline.

Ang mapaslawan nga makapasa sang requirements ang indi na pag-konsidera para sa nominasyon.

Nahibaluan nga magabiya na si Chief Justice Diosdado Peralta sa iya ika-69 nga kaadlawan sa Marso 27.

Wala na ginpahibalo pa sang Supreme Court kun ano ang rason sang desisyon ni Peralta nga maghalin na sa posisyon apisar nga may yara pa ini sang isa ka tuig nga nabilin.