Nagdangat na sa 10 ang narekord nga suicide cases sa bilog nga Iloilo Province subong nga tuig.
Sa interview sang Bombo Radyo kay Police Corporal Erwin Magarzo, spokersperson sang Iloilo Police Provincial Office (IPPO), iya ginpahayag nga sa nasambit nga numero, halos kadam-an ang nagasuprer sang depresyon.
Ini ang rason suno sa pulis kun nga-a wala untat ang ila pahanumdom sa mga ginikanan nga giyahan gid ang ila mga anak agud mahatagan sang nagakaigo nga intervention ang ginabitbit nga problema sang kabataan.
Suno sa pulis, bukas man 24 oras ang ‘pag-ulikid desk’ sang kada police station sa probinsya nga handa gid magbulig sa mga indibidwal nga may ipalab-ot nga mental health concerns.
