Ginhingadlan si Suga sang Korean supergroup nga BTS bilang bag-o nga global ambassador para sa National Basketball Association (NBA).
Si Suga amo ang lead rapper sang amo nga grupo (kilala man sa matuod nga pangalan nga Min Yoongi) kag isa gid ka basketball fan kag isa man ka player.
Ginpahayag sini nga handum gid niya nga mangin global ambassador para sa amo nga liga kag excited na siya nga ma-formalize ang iya relasyon sa NBA.
Ginlaragway naman ni NBA Deputy Commissioner kag Chief Operating Officer Mark Tatum si SUGA bilang “superstar musician, fashion icon, and passionate NBA fan.”
Bilang ambassador sang liga, katungdanan ni Suga nga magpasakop sa mga league acivities nga i-feature sa NBA kag sa iya nga personal social media channels.
Lakip na diri nga mga aktibidad amo ang pagtambong sa NBA games kag events sa US kag Asia kag pagpasakop man sa promotional activities sang liga. ##
