ILOILO CITY – Nagdangat na sa 14 ka mga insidente sang suicide sa syudad sang Iloilo.
Pinaagi sa privilege speech ni loilo City Councilor Rudolph Ganzon sa Iloilo City Council, iya ginpahayag nga kinahanglan nga hatagan sang oras ang mga kabataan ilabi na ang mga nagakinahanglan sang emotional attention kag may yara sang problema sa mental health.
Suno kay Ganzon, nagakadapat nga maghimo sang lihok ang city council may kaangtanan sa pagtapna sang suicide incidents.
Laoman man nga may yara sang patigayunon nga committee hearing tuhoy sa nasambit nga problema.
Nahibaluan nga matapos ang pagsuicide sang damlag lang sang 21-anyos nga architecture student sang isa ka unibersidad sa syudad, may nakit-an naman nga isa ka babaye nga naghikog sa sulod sang lodging house sa Molo kahapon.
