ILOILO CITY – Nagsaka na sa 215 ang suicide incidents sa Western Visayas subong nga 2020.
Ang nasambit nga numero ang na record humalin Enero 1 tubtub Agosto 31 subong nga tuig.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga kalabanan sa mga rason amo ang personal nga problema kag may epekto man ang COVID-19 pandemic.
Kun pahat-pahaton ang 215 ka suicide cases suno kay Malong, 22 ang na record sa Aklan, 16 sa Antique, 12 sa Bacolod City, 19 sa Capiz, 19 sa Guimaras, 13 sa Iloilo City 59 sa Iloilo Province kag 55 sa Negros Occidental.
Suno kay Malong, kun basehan naman ang January 1-July 31, 2019 nga period, yara lamang sa 122 ang suicide incidents samtang sang 2020 sa kasubong nga binulan, nagsaka ini sa 164.
