Arestado ang isa ka Army technical sergeant sang makita sang mga pulis nga may karga nga mga imported nga sigarilyo ang iya salakyan sa routine inspection sa isa ka checkpoint sa Barangay Macasandag sa Parang, Maguindanao del Norte.
Ang nadakpan amo si Technical Sgt. Vergelio Marapao, Jr. sang 1st Scout Ranger Battalion nga nakabase sa Carmen, Cotabato.
Nakuha sa iya ang mga sigarilyo nga halin sa Indonesia kag nagabalor sang P194,680.
Yara na subong sa kustodiya sang Police Regional Office-Bangsamoro Autonomous Region ang mga sigarilyo nga nakumpiska.
Detained naman ang amo nga suldado sa Parang Municipal Police Station.
