ILOILO CITY – Ginpatpat sang isa ka eksperto ang ginhalinan sang rheumatic heart disease.
Sa interview sang Bombo Radyo kay Dr. James C. Catoto, internist-cardiologist sa West Visayas State University Medical Center, iya ginpahayag nga ang rheumatic heart disease amo ang kondisyon kun sa diin, ang heart valves ang dalayon na nga naguba bangud sang rheumatic fever.
Ang rheumatic fever ang isa ka inflammatory disease nga mahimo nga maka-apekto sang madamo nga connective tissues ilabi na sa tagipusu-on.
Ang wala na-treat ukon ang wala maayo na-treat nga strep infections ang nagabutang sa isa ka persona sa dako nga risgo.
Ang mga kabataan nga may repeated strep throat infections amo ang may yara sang dako nga risgo sang rheumatic fever kag rheumatic heart disease.
Madamo ang sintoma sang rheumatic fever kag masami nga nagasugod sa una tubtob ika-anum nga semana pagkatapos sang pagpakigbato sa strep throat.
Ang treatment ang nagadepende sa kadaku-on sang damage sa heart valves nga mahimo nga ipaidalom sa surgery agud nga maislan ukon ma-repair ang naguba nga valve.
Bangud nga rheumatic fever ang ginhalinan sang rheumatic heart disease, ang pinakamaayo nga treatment amo nga punggan ang pag-angkon sang rheumatic fever pinaagi sa paggamit sang antibiotics agud nga mabulong ang strep infections.
