Apisar sang nagatagiti nga init sang adlaw, gin-abi abi sang mga tawo ang parada sang mga artista nga amo ang marka sang pag-umpisa sang Summer Metro Manila Film Festival.
Ginpatigayon ang Parade of Stars kadungan sang Palm Sunday kun sa diin bida ang walo ka entries nga amo ang magapa-indis indis subong nga summer festival.
Kanya-kanya man gimik ang lead stars sakay sa maduagon nga mga floats halin sa Commonwealth Avenue padulong sa Quezon Memorial Circle sa Quezon City.
Ipakita ang participating films sa mga sinehan sa bilog nga pungsod umpisa sa Abril 8-18, samtang ang awards night naman ang patigayunon sa Abril 11 sa New Frontier Theater.
Yari ang entries subong nga tuig:
*YUNG LIBRO SA NAPANUOD KO: Bela Padilla, Yoo Min-Gon
* HERE COMES THE GROOM: Keempee de Leon, Enchong Dee, Maris Racal, Awra Briguella, Xilhouete, KaladKaren
* LOVE YOU LONG TIME: Carlo Aquino, Eisel Serrano
* KAHIT MAPUTI NA ANG BUHOK KO: RK Bagatsing, Meg Imperial
* SINGLE BELLS: Alex Gonzaga, Angeline Quinto, Aljur Abrenica
* APAG: Coco Martin, Lito Lapid, Jaclyn Jose, Gladys Reyes, Gina Pareño
* UNRAVEL: A SWISS LOVE STORY: Gerald Anderson, Kylie Padilla
* ABOUT US BUT NOT ABOUT US: Romnick Sarmienta, Elijah Canlas
Matandaan nga Abril 2020 pa kuntani ang debut sang summer festival apang nakanselar bangud sa COVID-19. ##
