Nasunog ang isa ka balay nga sakop sang komunidad sang mga Muslim sa Brgy. Jalandoni, Culasi, Antique subong nga gab-i, Hulyo 20, 2025.
Suno sa mga residente, nagsugod ang kalayo pasado alas-7 sang gab-i kag madasig nga naglapta ang kalayo.
Gilayun nga nagpanikasog ang mga bombero sa pag-apula sini, nga gindeklarar nga fire out sang mga alas-9, eksakto man nga nagsugod ang mabaskug nga ulan nga nakaayuda sa pagpauntat sang kalayo.
Wala pa sang pahayag halin sa Bureau of Fire Protection (BFP) kun ano ang gintunaan sang sunog, kag padayon pa ang ginahimo nga imbestigasyon.
Sa pihak sang insidente, nagapanawagan subong ang Culasi Police Station sang donasyon, partikular sang mga bayo kag pagkaon para sa apektado nga mga myembro sang Muslim community nga nawad-an sang ila panimalay.
By: Bombo Volunteer Lyka Sandiego
