Nagluntad ang isa ka sunog sa isa ka residential area sa Brgy. Benedicto, Jaro, hapon sang Pebrero 16.
Sa pahayag sang isa ka residente sang nasambit nga lugar, wala na sila nakapanghimos sang ila gamit bangud sa madasig nga naglapta sang kalayo.
Suno man sa iya, gulpi lang sila nakabati sang paglupok sa kaingud nila nga panimalay kun sa diin ini amo ang ginapahayag nga ginhalinan sang sunog.
Sa interview sang Bombo Radyo kay Senior Fire Officer 1 (SFO) Denmark Macoco, Chief Investigator sang Iloilo Fire Station, iya ginpahayag nga ginabulubanta nga yara sa 7 tubtob 10 ka mga panimalay ang nasunog.
Suno sa iya nga madasig nga naglapta ang kalayo bangud sa mabaskug nga dapya sang hangin kag halos human sa mga light materials ang mga naga-ingudikit-ikit nga mga panimalay.
Nagpasalamat man ini sa mga nagbulig sa ila nga mga residente agud nga madasig nga magpalong ang kalayo.
Nahibaluan nga ginpahayag nga fire out naman naman ang sunog alas 2:26 sang hapon.
