Nasapwan ang isa ka bangkay sa sulod sang isa ka lote sa isa ka subdivision sa Ungka 1, Pavia, Iloilo.
Base sa inisyal nga impormasyon, nagaaso pa sang makit-an ang bangkay nga wala pa matumod kun babaye ukon lalake.
Pasado las-kwatro kaina sang kaagahon nakit-an sang isa ka residente nga nakalabay sa lugar nga may nagaaso sa kahilamunan gani iya ini ginbasayhan sang tubig.
Nakibot na lang ini nga tawo gali ang nagaaso kag sunog na.
Na-recover naman sang mga otoridad ang isa ka wallet kag ID malapit sa lugar kun sa diin nasapwan ang bangkay.
Ang ID amo ang nakapangalan kay Frank Royce Apelo Barbaza kag may address nga Brgy. Punta Tabuc Roxas City, Capiz.
Apang, gina-verify pa sang mga otoridad kun ang identity nga nakabutang sa ID amo ang nasapwan nga bangkay.
Padayon pa sa subong ang imbestigasyon kag hot pursuit operation sang Pavia Municipal Police Station.
