Naglab-ot sa P3.6 million ang balor sang kahalitan nga natuga sang sunog nga nagluntad sa Barangay San Pedro, Molo, Iloilo City.
Sa interview sang Bombo Radyo kay Fire Officer II Earl Anthony Darroca, Imbestigador sang Bureau of Fire Protection Iloilo City, iya ginpahayag nga naglab-ot sa 48 ka mga balay ang nasunog kon sa diin, 46 diri ang totally burned, samtang 2 naman ang partially burned.
Suno kay Darroca, na-record sang talatapan ang 240 ka mga indibidwal nga naapektohan sang natabo nga sunog.
Ginpahayag naman sang natungdan nga nagapabilin nga “under investigation” sa gihapon ang posible gintunaan sang kalayo.
Nagpasalig naman ini nga gina-cater sang Iloilo City Social Welfare and Development Office (CSWDO) ang mga apektado nga pamilya agud man nga mahatagan man sang nagakaigo nga intervention.
