Natumod na sang Bureau of Fire Protection (BFP) ang gintunaan sang sunog sa Tanza Timawa Zone I kag Zone II, Iloilo City Proper.
Sa interview sang Bombo Radyo kay SFO3 Aquilino Sampiano,Chief Operations Officer sang Iloilo City Fire Station, iya ginpahayag nga bangud sa loose connection resulting to short circuit ang gintunaan sang sunog.
Suno kay Sampiano, indi magnubo sa P750,000 ang balor sang nagkalaupos nga propedad.
Nahibaluan nga 25 ka mga balay ang nasunog sa Tanza Timawa Zone I ,sa diin 11 ka mga balay ang totally damaged kag 9 ang partially damaged.
Sa Zone II, Iloilo City Proper, 3 ang totally damaged kag 2 ang partially damaged.
Nahibaluan nga sa subong, nagapabilin sa gihapon sa ospital si Rodel Canilao nga nag-angkon sang sunog sa ulo kag likod.
Si Canilao ang nagapanag-iya sang balay sa diin nag-umpisa ang kalayo.
