ILOILO CITY – Ginkalipay ni Sunshine Cruz nga makita ang iya tatlo ka anak nga naga-enjoy kaupod sa ila amay nga si Cesar Montano kag utod nga si Diego Loyzaga.
Ginpakigbahin ni Diego Loyzaga sa iya social media site ang litrato niya upod ang iya amay kag iya mga step sisters nga malipayon nga nagahampang sang basketball kag badminton kag upod man nga nagkaon.
Sa nasambit nga post, nagkomento si Sunshine nga finally, nag-updanay ang lima kag nagala-um ang sexy mom nga madamo pa nga kaangay sini ang matabo sa ulihi.
Nahibaluan nga si Sunshine kag Cesar ang nagpakasal sang 2000, ginbugayan sang tatlo ka mga bata kag sang 2018, nagbulagay ang mga ini.
Samtang si Diego ang anak naman ni Cesar sa aktres nga si Teresa Loyzaga.
