Supervisor sang Department of Agrarian Reform (DAR), ginkilala bilang mapisan nga tawo ang ila empleyado nga Ginluthang sa Tagbak Jaro Iloilo City

JARO ILOILO CITY– Mapisan kag mabuot nga empleyado sang Department of Agrarian Reform (DAR) ang ginluthang patay nga driver kag engineering aid nga si Alan Salario residente sang Calmay Janiuay kag temporaryo nga sa Tagbak Jaro sa diin siya ginluthang

Sa interview sang Bombo Radyo kay Engr. Roy Napud,Supervisor sang DAR , iya ginpahayag nga sa ila talatapan wala man sang kontra ang biktima.

Pahayag pa ni Napud sa patag sang trabaho wala man sang reklamo batok kay Salario.

Kalabanan naman sa trabaho ni Alan Salario suno kay Napud ang yara sa field kag kuntani magapadulong ini sa kinto distrito.

Nahibaluan nga santo sa mga nakakita may naka-istorya ang biktima nga naka-helmet, jacket kag sang pagtalikod sang biktima gulpi lang ini nga gintiro sang tatlo ka beses.

Pilas sa ulo, tiyan, kag likod ang naangkon sang biktima.

Nagapadayun naman ang imbestigasyon sang mga otoridad sa nasambit nga krimen