Ginkadismaya sang supervisor sang Metro Iloilo Transport Service Cooperatives (MITSCOOP) – Ungka Area ang pagdakop sang Iloilo City Traffic Management Unit (ICTMU) sa ila driver.
Ini kasunod man sang pagkumos sang driver sang citation ticket nga gin-issue sang traffic enforcer bangud sa paglapas sa traffic violation.
Sa interview sang Bombo Radyo kay Wilfredo Sobredo, supervisor sang MITSCOOP Ungka Area, iya ginpahayag nga may mga nauna na nga mga salakyan nga nag-pick up man sang pasahero sa ‘no loading’ area apang ginpabay-an lamang sang traffic enforcer.
Suno kay Sobredo, napikon gidman ang ila driver kag wala na nakapanumdom pa sa masunod sini nga dapat himuon.
Gindepensahan man sini ang ila driver kon sa diin, ginlaragway sini nga mga ‘reckless’ ukon indi salawayon sa dalan.
