Nagnubo ang supply sang baboy sa syudad sang Iloilo.
Sa interview sang Bombo Raydyo ka Mr . Bebot, pork vendor sa Iloilo Terminal Market, iya ginpahayag nga ginaprioritize subong sang syudad ang pag-export sang dekalidad nga baboy sa National Capital Region.
Suno kay Bebot, bangud sini, kalabanan reject nalang nga baboy ang nabilin sa ila sa diin bangud sa kakulang man sang supply, napilitan man sila magpasaka sang presyo.
Sa subong, nagsaka sa P255 ang average price sang kada kilo sang baboy sa merkado.
Ginpahayag ni Bebot nga yara sa P260 ang presyo sang boneless, P250 ang karne kag P280 naman ang unod sang baboy.
Dugang sang natungdan, magluwas sa presyo sang baboy, posible nga magsaka man ang presyo sang manok halin sa P170 kada kilo.
