ILOILO CITY – Manubo sa gihapon suplay sang illegal nga droga sa Western Visayas.
Sa interview sang Bombo Radyo kay Police Briagadier General Sidney Villaflor, acting director sang Police Regional Office 6, iya ginpahayag nga kun ikumpara sa iban nga lugar kun sa diin siya una nga na-assign, indi tuman ka damo sang suplay sang droga sa rehiyon.
Suno kay Villaflor, ang assessment sa iligal nga droga ang dapat nga basehan sa national scale.
Kung madumduman, una na nga ginpahayag ni Police Colonel Ronaldo Palomo, director sang Iloilo Police Provincial Office nga maka-alarma ang ilegal nga droga sa probinsya sang Iloilo kasunod sang dalagko nga volume sang iligal nga droga nga nagasulod sa probinsya sang Iloilo.
Sang Domingo, nakuha sa isa ka high value individual sa Bacolod City ang P5.4 million nga balor sang iligal nga droga.
Diri sa syudad sang Iloilo, nagdangat sa P1.2 million ang balor sang iligal nga droga nga nakuha sa isa ka durugista nga amo ang pinakadako nga na-recover sang damlag lang.
