Pila ka tulog na lang antes ang Paskwa kag antes ang Bag-ong Tuig gani ginpasigurado sang grupo sang hog farmers nga wala sang dapat nga kabalak-an sa suplay sang baboy sa Pilipinas samtang wala-tuo ang handaanay.
Suno kay National Federation of Hog Farmers Inc. president Chester Warren Tan, buot silingon sini, wala sang nakit-an nga rason sa pagsaka sa retail price sang karne sang baboy.
Suno kay Tan, bilog nga Disyembre ang ma-cover sang suplay sa pungsod kag sa pagkamatuod subong, manubo ang demand bangud manubo man ang purchasing power sang consumers bangud ginatinguhaan nila nga indi maggasto.
Ginsaad man sini ang ila problema nga bisan madamo ang suplay sang locally produced nga mga karne sang baboy, padayon gihapon nga ginatugutan sang Department of Agriculture ang imported meat products.
