MANDURRIAO, ILOILO CITY – Nagdangat sa masobra P1 million nga balor sang iligal nga droga ang nakuha sa isa ka high value individual (HVI) sa ginpatigayon nga drug buy bust operation sa Zone 3 Old Chapel Brgy. Bakhaw Mandurriao, Iloilo City.
Ang arestado amo si Mac Ryan Obapial, alyas ‘Bogs”, soltero, 22, residente sang nasambit nga lugar.
Sa interview sang Bombo Radyo kay Police Lieutenant Nick Gallego, team leader sang Iloilo City Drug Enforcement Unit (CDEU), iya ginpahayag nga nakuha sa posisyon ni Obapial ang 150 grams sang
suspected shabu.
Suno kay Gallego, P6,800 ang balor sang per gram sang suspected shabu nga nakuha kay Obapial.
Ginpahayag ni Gallego nga nagaserbe man si Obapial nga supplier sang iligal nga droga sa syudad.
Sa subong, preso na ini sa Mandurriao Police Station kag nagapangatubang ang kaso nga paglapas sa Republic Act No. 9165 ukon Comprehensive Dangerous Drugs Act of 2002.
