ILOILO – Wala ginakulang ang supply sang dugo sa Western Visayas Regional Blood Center sang Philippine Red Cross sa pihak sang pagtaas sang demand bangud sa Dengue Hemmorhagic Fever.
Sa interview sang Bombo Radyo kay Dr. Dennis Roy Pasadilla, blood center manager sang Western Visayas Regional Blood Center sang Philippine Red Cross, iya ginpahayag nga bastante ang stocks sang dugo bangud madamu man ang nagadonar sang dugo.
Suno kay Pasadilla, sa pihak sang madamu nga supply sang dugo, ginakulang naman ang ila nga tinawo rason nga mahinay ang pagproseso sang mga dugo.
Ginpaathag sang natungdan nga bukas ang Philippine Red Cross sa mga maluyag magdonar sang dugo.
